音樂旅情︳李龍基憶昔日唱酒廊月賺24萬 揸保時捷一晚走8場收300張告票

李龍基日前接受網上節目《音樂旅情》主持楊紹鴻訪問，分享昔日當酒廊歌手的風光日子，最高峰期試過一晚唱足8場。當年收入豐厚，試過一個月賺24萬，那段日子曾花12萬購買二手保時捷，工作時也懶理愛車被抄牌；結果一個月結算下來，光是抄牌就被罰了9000元，以當年30元一張告票為計，他足足收到300張告票。

同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你

{{hket:ul-video id="5201"}}{{/hket:ul-video}}

{{hket:inline-image name="01315001.jpg"}}{{/hket:inline-image}}

{{hket:inline-image name="01315004.jpg"}}{{/hket:inline-image}}

李龍基當年參加TVB歌唱節目《聲寶之夜》後，被溫拿的經理人Pato Leung看中，簽約成為旗下歌手，最初安排到餐廳唱歌，「初初介紹我去麗斯餐廳唱歌，嗰時老闆好得意，初初叫我唱兩個月，唱完又做多兩個月，之後前後做咗九個月……經理人就叫我唔好唱餐廳，出去唱夜總會。我嗰時日頭喺嘉頓做工程師，份工嘅人工幾高，有1900元，當年入去時得300元，一路路升到1900元，總之簽份經理人合約叫做Part time contract，唔使點做，溫拿開演唱會就出嚟唱幾隻歌，就係咁簡單，但就每個月畀500元我使，兩份工加埋2400元，係好和味。唔知咩出唱片，老實講，娛樂圈係咩都未知。」

李龍基執遙控飛機疑誤闖結界 跌傷頭血流滿面老婆嚇到跪地喊【下一頁】

李龍基當年以唱英文歌為主，直至一次駕車時聽到羅文唱的《小李飛刀》，令他心態大轉變，「有晚收工聽到收音機播，『難得一身好本領……』，講真我嗰時心態唔啱，我唔唱廣東歌，覺得廣東歌麻麻；而家反省吓自己，竟然鄙視自己語言。我哋番書仔唱中文歌？我唔唱中文歌，有時喺餐廳點歌就話唔識唱，覺得係降grade。但嗰晚聽到《小李飛刀》之後……覺得嘩，原來廣東歌可以有咁效果，咁好聽，仲係用西樂伴奏，伴到啲廣東歌咁靚，點解我唔唱，所以嗰時改觀，就唱廣東歌。」

（↓點擊放大睇圖片↓）

追問當年賺錢賺到買保時捷？他說：「覺得係英雄造時勢，運用喺我身上就係時勢造英雄，當然覺得我對香港酒廊係有所貢獻，真真正正拋個身出嚟唱就係大華餐廳，唱星期一至星期六，星期日休息，但係日日排長龍，好多人喺樓梯等位，旺得好緊要。香港地好得意，瘦田無人耕、耕開有人爭。新世界有間餐廳負責人走嚟搵我，記得係一位日本人，話幫佢唱，當時第一間餐廳係4000元一個月，每晚唱4粒鐘，第二間搵我就4000元唱2粒鐘……（第一架保時捷幾錢買？）好平，好似係12萬左右，係二手車……當時唱2間走廊收8000元，後尾又有人搵我，唱1個鐘都收4000元，整整吓一晚唱8場，又開始逐場計數，唱一場就收1200元，一晚就唱8場。（一晚賺過萬？）嗰時收入係幾豐富，有個月計過條數，1個月搵24萬。（抄牌多過普通人人工？）最高紀錄有個月抄牌抄咗9000元，30蚊一張咋喎……都係時勢迫人，當時酒廊如雨後春筍，一開張就話搵李龍基嚟，嗰時我有個好威猛嘅名叫『旺財』。呢個世界係好公道，你幫唔到佢搵生意，請嚟都無用，當時叫對自己有交代，出咗咁多力，真係唱到嘔。記得有晚唱咗13次《稻草人》，唱8場唱咗13次！後來就學精，就嚟完場先唱。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}